Kandidati presidencial brazilian dhe ish-presidenti Luiz Inacio Lula da Silva kryesoi sondazhin e fundit parazgjedhor me 45 përqind të votave, pasuar nga presidenti aktual Jair Bolsonaro me 32 përqind.

Lula da Silva, një kandidat i Partisë së Punëtorëve, ra 2 pikë përqindje nga 47 përqind në sondazhin e fundit më 18 gusht, ndërsa Bolsonaro mbeti i qëndrueshëm në 32 përqind.

Kandidati Ciro Gomes i Partisë Demokratike të Punës ishte në vendin e tretë me 9 për qind të votave, i ndjekur nga Tebet i Lëvizjes për Demokracinë Braziliane me 5 për qind.

Nëse asnjë nga kandidatët nuk merr më shumë se 50 për qind të votave në zgjedhjet presidenciale të 2 tetorit, një balotazh do të zhvillohet në fund të tetorit.

Të dhënat u mblodhën nga 5,734 persona në 284 komuna midis 30 gushtit dhe 1 shtatorit për të kapur reagimin e vendit ndaj debatit të parë presidencial televiziv të mbajtur më 28 gusht në qytetin e Sao Paulos