Pas suksesit ndaj Kroacisë, sulmuesi i Anglisë, Harry Kane u shpreh besimplotë se gjërat do shkojnë mirë në këtë Botëror.

“Ka një rrymë ajri të freskët në këtë ekip, mund ta ndjesh vërtet urinë, dëshirën dhe entuziazmin e lojtarëve për të qenë pjesë e asaj që mund të jetë një verë vërtet e veçantë.

Na shihni, të gjithë shkojmë mirë, rrimë bashkë, kalojmë kohë së bashku, por kjo duket edhe në mënyrën se si stërvitemi, në intensitetin me të cilin stërvitemi dhe pastaj e sjellim atë në fushë.

“E di që është vetëm ndeshja e parë dhe nuk duhet të rrëmbehemi nga emocionet, por ajo lidhje emocionale me tifozët ishte e paharrueshme. Në atë moment të saktë, duke kënduar së bashku në stadium, të gjithë i dinin fjalët dhe ishte një moment vërtet i veçantë, sipas mendimit tim”.