Kuvendi i Shqipërisë ndërpret transmetimin e mbledhjes se konstituimit të Komisionit të Shëndetësisë. Kështu deklaron Partia Demokratike, deputetët e së cilës kanë qenë të pranishme fizikisht në komision.
Sipas PD, “në kanalin rtsh kuvend qe paguhet nga taksat e qytetarëve, mbledhja e komisionit që drejtohet nga deputetja e PD, Albana Vokshi, u ndërpre kur zonja Vokshi po shfaqte fotografitë që tregojnë dy standardet e maxhorancës, mbledhje online për t’i kufizuar hapësirën opozitës dhe mbledhje fizike të qeverisë dhe PS pa respektuar masat për pandeminë”.
Më tej PD denoncoi se Kuvendi i Shqipërisë fshiu nga faqja mbledhjen e Komisionit të Shëndetësisë, të drejtuar nga opozita.