Vaksina e kompanisë farmaceutike amerikane, Moderna do të kushtojë midis 21 dhe 33 eurove për dozë, në varësi të sasisë së porositur nga qeveritë botërore,

Lajmi u konfirmua nga Stephane Bancel për të përjavshmen gjermane Uelt am Sonntag. “Vaksina jonë kushton afërsisht e njëjtë me vaksinën e gripit, e cila kushton midis 8 dhe 40 euro”, tha ai, raporton Reuters.

Mediat e huaja kanë raportuar më parë se Komisioni Evropian dëshiron të arrijë një marrëveshje me Modernan për të blerë miliona doza me një çmim më të ulët se 21 euro.

“Asgjë nuk është nënshkruar ende, por ne jemi afër një marrëveshje me Komisionin e BE-së. Ne duam të dorëzojmë vaksinat në Evropë dhe jemi në negociata konstruktive”, tha Bancel, duke deklaruar se është çështje ditësh kur marrëveshja do të nënshkruhet.

Kompania më parë njoftoi se efektiviteti i vaksinës është 94.5 për qind. Mediat e huaja shkruajnë se BE-ja ka negociuar me Moderna që nga korriku.