Hans Zimmer, kompozitori dy herë fitues i Oskarit, i propozoi partneres së tij në skenën e Londrës, duke shkaktuar duartrokitje të forta nga publiku, shkruan huffpost.com.

Teksa performanca e tij në arenën O2 po i afrohej fundit, 65-vjeçari gjerman i kërkoi partneres së tij t’i bashkohej në skenë dhe më pas vazhdoi t’i deklaronte dashurinë e tij.

Duke iu drejtuar drejtpërdrejt, ai i tha: “Pse të solla këtu? Unë do t’ju pyesja për diçka shumë të rëndësishme. E mbylle derën? A është qumështi në frigorifer? A kemi ndonjë sherbet në frigorifer?”

“A do të martohesh me mua?”, iu drejtua aipartneres ndërsa morrën duartrokitje të forta nga publiku.

Për momentin emri dhe mosha e partneres së tij nuk u dhanë.

Fansat e Zimmer kanë qenë të kënaqur me një sërë muzikash që ai ka kompozuar për filma të suksesshëm gjatë dekadave të fundit, duke përfshirë “Gladiator”, “The Dark Knight” dhe “Inception”.