KORCE- Dy persona kanë mbetur të plagosur rëndë si pasojë e një aksidenti rrugor të ndodhur paraditen e sotme në aksin Korçë-Devoll. Ngjarja ka ndodhur rreth orës 10:00 pranë fshatit Dishnicë, teksa motori me të cilin udhëtonte çifti Çaushi është përplasur me një automjet me targë AA 238 AT.
Si pasojë e përplasjes, A. Çaushi, i cili drejtonte motorin, dhe gruaja e tij E. Çaushi kanë mbetur të plagosur dhe janë dërguar në gjendje të rëndë në spitalin e Korçës.
Menjëherë në vendin e ngjarjes kanë mbërritur forcat e policisë dhe punojnë për zbardhjen e plotë të rrethanave dhe shkaqeve të aksidentit.
(el.sp/BalkanWeb)