Partia Demokratike dhe Partia Drejtësi Integrim dhe Unitet akuzojnë kryeministrin Edi Rama se shpërdoron 100 mijë euro të shqiptarëve për udhëtim me ‘charter persona’ apo avionin Air Albania për udhëtim weekendi në Paris.
Bardhi thotë se Rama pa asnjë shpjegim e njoftim zyrtar shpenzon lekët e shqiptarëve duke përdorur Air Albania vetëm për vete ndërkohë që shumë shqiptarë presin të riatdhesohen.
Ai thotë se mosha dhe zullumet po e plakin Ramën që po braktiset çdo ditë nga qytetarët. Nga ana tjetër PDIU akuzon se Rama në ditët më të zeza të shqiptarëve dhe kur u kërkon qytetarëve të mos përdorin automjete largohet me avionin ”Air Albania” ndërkohë që dhjetra shqiptarë presin të riatdhesohen po me atë avion.
Nga qeveria ka pasur menjëherë një reagim, pikërisht nga këshilltari mediatik Endri Fuga i cili shkruan në Twitter se avioni përdoret vetëm për udhëtime pune dhe që ata që sot shpifin i kanë bërë ato për të cilat shpifin kur ishin vetë në qeveri.
E turpshme akuza për udhëtimin 24orësh të KM në Paris me avionin, që siç e kemi sqaruar publikisht, përdoret veç për arsye pune, bazuar në një marrëveshje të posaçme me AIR ALBANIA pa qëllim fitimi. Ata që akuzojnë mesa duket vetëm këto që shpifin për ne kanë bërë kur qeverisnin!
— Endri Fuga (@endrifuga) May 31, 2020
(BalkanWeb)