Kryegjyshata Botërore e Bektashinjve i dhuron Policisë së Tiranës maska dhe detergjentë dezinfektues.
Kryegjyshi Baba Mondi shprehur solidaritet me policinë në këto ditë të vështira të shkaktuara prej pandemisë së koronavirusit dhe falënderoi mjekët e policët për punën e tyre.
“Roli i policisë shumë i rëndësishëm në përballimin e kësaj situate të vështirë. Pas mjekëve, policia në vijën e parë të frontit në përballimin e situatës”, u shpreh Baba Mondi.
Drejtori i Policisë së Tiranës Jaupaj falënderoi Baba Mondin për ndihmën. “Ndihme e rëndësishme për policinë e cila është në shërbim të qytetarëve. Kemi parë se qytetarët po respektojnë masat e vendosura nga qeveria”, tha Jaupaj.
NJOFTIMI I POLICISË SË SHTETIT
Kryegjyshata Botërore Bektashiane i dhuron Drejtorisë Vendore të Policisë Tiranë, 1000 maska dhe 1000 litra dezinfektant.
Baba Edmond Brahimaj, drejtues i Kryegjyshatës Botërore Bektashiane, i dorëzoi donacionin Drejtorit të Drejtorisë Vendore të Policisë Tiranë Rebani Jaupi.
Ai ka vlerësuar e bekuar punën e përkushtimin e të gjithë punonjësve të Policisë së Shtetit, të cilët përballen çdo ditë, me një armik të padukshëm, por shumë të rrezikshëm.
Drejtor Jaupi falënderoi kreun e Kryegjyshatës për donacionin, pasi këto materiale janë shumë të nevojshme gjatë punës së përditshme të punonjësve të Policisë, në këtë situatë të vështirë.
Drejtori Vendor i Policisë Tiranë, duke përfituar nga prezenca e medias, ka falënderuar qytetarët që në masën më të madhe kanë respektuar rregullat dhe ka apeluar edhe njëherë për të dëgjuar fjalën e mjekëve për të qëndruar në banesë, me qëllim parandalimin e përhapjes së COVID-19.