Një 30-vjeçar nga Dibra është dëmtuar rëndë në kokë, teksa ka qenë duke notuar në pishinë, në Sarandë.

Policia njofton se i riu është dërguar në Spitalin e Traumës, Tiranë, për mjekim më të specializuar.

Burimet për BalkanWeb bëjnë me dije se bëhet fjalë për shtetasin Mariglen Jaho, i cili pas hedhjes në pishinë ka thyer një kockë të fytyrës.

Sarandë/Informacion paraprak

Sot, në mesditë, në spitalin e Sarandës është paraqitur për ndihmë mjekësore, shtetasi M. J., 30 vjeç, banues në Dibër, i cili dyshohet se është dëmtuar aksidentalisht në kokë, duke notuar në pishinë. 30-vjeçari është dërguar në Spitalin e Traumës, Tiranë, për mjekim më të specializuar.

Grupi hetimor po kryen veprimet për sqarimin e plotë të rrethanave të ngjarjes.

(BalkanWeb)