DIBER– Policia ka identifikuar autorin e dyshuar për vrasjen e shtetasit Ismail Zogu 36 vjeç, ai është Aleksandër Balla 23 vjeç , banues në fshatin Muhur. 36-vjecari Ismail Zogu ka humbur jetën rrugës për në spital, pasi është qëlluar me mjete prerëse. Ngjarja ka ndodhur mbrëmjen e sotme në fshatin Arras.
Ende janë të paqarta rrethanat e ngjarjes por nga veprimet e para dyshohet se ngjarja ka ndodhur pas një konflikti të çastit. Grupi hetimor po vijon punën për zbardhjen e rrethanave të ngjarjes.
Njoftimi i Policisë:
Dibër
Policia e Dibrës zbardh ngjarjen e ndodhur mbrëmjen e sotme.
Si rezultat i veprimeve të shpejta hetimore është bërë e mundur zbardhja e vrasjes së shtetasit I. Z në njësinë administrative Arras.
Policia ka identifikuar autorin e dyshuar shtetasin Aleksandër Balla 23 vjeç , banues në fshatin Muhur.
Ende janë të paqarta rrethanat e ngjarjes por nga veprimet e para dyshohet se ngjarja ka ndodhur pas një konflikti të çastit.
Grupi hetimor po vijon punën për zbardhjen e rrethanave të ngjarjes.
Forca të shumta të Policisë po kryejnë kontrolle në ambjente, banesa e ne automjete për të bërë të mundur kapjen dhe arrestimin e autorit.
(n.b/BalkanWeb)