SHBA do të financojë sërish Ukrainë me 2 miliardë dollarë për ndihmë ushtarake, që pritet të përfshijë raketa, municione dhe armë të ndryshme.
Lajmi është bërë i ditur nga dy zyrtarë amerikanë, të cilët kanë folur për Reuters, kukanë bërë me dije se ndihma pritet të dërgohet brenda kësaj javë.
Një nga zyrtarët tha se një pjesë e paketës, që pritet të jetë 1,725 miliardë dollarë, do të vinte nga një fond i njohur si Iniciativa e Ndihmës për Sigurinë e Ukrainës (USAI), e cila lejon administratën e Presidentit Joe Biden të marrë armë nga industria dhe jo nga rezervat e armëve amerikane.
Fondet e USAI-t do të shkojnë për blerjen e një arme të re, Bombën me Diametër të Vogël të lëshuar nga Toka (GLSDB) e prodhuar nga Boeing Co (BA.N), e cila ka një rreze veprimi prej 150 km. Shtetet e Bashkuara kanë kundërshtuar kërkesat e Ukrainës për raketën ATACMS me rreze 297 km.
Përveç fondeve të USAI-t, ndihma në vlerë prej më shumë se 400 milionë dollarë pritej të vinte nga fondet e Autoritetit Presidencial të Tërheqjes, e cila i lejon presidentit të marrë nga kursimet e SHBA-së në rast emergjence.
Që prej fillimit të luftës më 24 shkurt, SHBA i ka dërguar Ukrainës ndihmë në vlerë 27.2 miliardë. Nga ana tjetër, Rusia e ka quajtur mbështetjen e SHBA-ve si rritje të tensioneve.
(BalkanWeb)
