KORCE- Një 70-vjeçar ka humbur jetën mbrëmjen e sotme në Korçë si pasojë e një aksidenti rrugor. I moshuari me inicialet L.L, ishte duke ecur në rrugë në momentin kur u përplas nga një automjet. Makina tip “Peugeot” me targë AA485FA, drejtohej nga shtetasi K. Mitrollari, aksidenti 70-vjeçarin i cili humbi jetën në mënyrë të menjëhershme.
Policia e mbërritur në vendngjarje ka shoqëruar në komisariat drejtuesin e mjetit, ndërsa po punohet për zbardhjen e plotë të shkaqeve dhe rrethanave të aksidentit.
(el.sp/BalkanWeb)