Lajmi se një lojtar i Real Madrid, Mariano Diaz, rezultoi pozitiv me Covid-19 ka shqetësuar jo vetëm klubin spanjoll por dhe Man.City, rivali i tyre i ardhshëm në Champions League. Sipas mediave angleze, “qytetarët” janë shumë të shqetësuar me situatën e coronavirus në Spanjë, ku kontrollet nuk kanë shumë efikase. Mediat i referohen sfidës së 20 korrikut, ku ekipi i Fuenlabarda u paraqit në sfidën kundër Deportivo La Coruna me 7 lojtarë pozitiv. Sigurisht që diskutimi është ndryshe kur bëhet fjalë për një ekip si Real Madrid.
Mariano pasi rezultoi pozitiv është izoluar menjëherë nga pjesa tjetër e ekipit dhe sipas të gjithë gjasave nuk do të jetë i pranishëm për sfidën e 7 gushtit që do të zhvillohet në “Etihad Stadium”. As ky fakt nuk qetëson drejtuesit dhe lojtarët e City të cilët kanë frikë se mund të infektohen gjatë këtij takimi. Situata në Spanjë shqetëson edhe drejtuesit e UEFA-s të cilët kanë gati edhe një plan B pasi në të njëjtën datë do të zhvillohet edhe ndeshja e kthimit Barcelona-Napoli. Nëse situata del jashtë kontrollit atëherë ku takim mund të zhvillohet në fushë asnjanëse, në Lisbone, aty ku do të luhet edhe pjesa e mbetur e Champions League.
(BalkanWeb)