Këngëtarja e njohur Kida (Orhidea Latifi) kurorëzoi, më 1 shtator, dashurinë me partnerin e saj Ajbi, në një ceremoni të organizuar në Romë.

Pamjet e para nga dasma u shpërndanë në rrjetet sociale. Në fotografitë dhe videot e publikuara nga të ftuarit, Kida shfaqej e veshur me një fustan të bardhë nuse me mëngë të gjata dhe vello.

Ceremonia u zhvillua mes një dekori të mbushur me lule në nuanca rozë e pastel dhe me pamje panoramike  nga Roma.

Dasma u mbajt në Villa Miani, rezidenca historike e vendosur në Monte Mario, një nga zonat panoramike të kryeqytetit italian. Vendndodhja e dasmës dhe data 1 shtator ishin raportuar prej kohësh.

Kida dhe Ajbi u fejuan në dhjetor të vitit 2024, pas propozimit që këngëtarja mori në periudhën e ditëlindjes së saj. Pas afro dy vitesh nga fejesa, çifti ka zgjedhur Romën për të festuar martesën mes familjarëve, miqve dhe emrave të njohur të muzikës shqiptare.