Policia italiane ka vënë në pranga një 42-vjeçar shqiptar, i cilësuar si kreu i një organizate kriminale të trafikut të drogës.
Ai u arrestua nga karabinierët në aeroportin e San Francesco të Assizit.
Operacioni i quajtur “San Mariano 2017”, u realizua pas më shumë se 7 muaj hetime nga karabinierët e Seksionit të Operacioneve italiane, i koordinuar edhe me Prokurorinë në Perugia.
Autoritetet njoftojnë se operacioni kishte qëllim goditjen e kësaj organizate e cila përbëhej nga 6 shqiptarë dhe ishin të vendosur në Italinë Qendrore ku edhe menaxhonin trafikun e drogës.
Hetimi bëri të mundur sekuestrimin e rreth 1, 400 kg marijuanë , armë dhe një gomone, shkruajnë mediat e huaja.
42-vjeçari shqiptar aktualisht ndodhet në burgun Capanne.
(BalkanWeb)