Rey Manaj nuk di të ndalet, me “bomberi” kuqezi që po kalon një formë fantastike në këtë fillim sezoni. Manaj ishte sërish protagonist absolut për ekipin e tij, Sivasspor, në transfertën përballë Antalyaspor. Fillimisht, Manaj dhuroi një super assist për Fidan në minutën e 20-të, me këtë të fundit që nuk shpërdoroi duke tundur rrjetën.

Vendasit barazuan shifrat në 1-1 në minutën e 38-të, por në pjesën e dytë ishte sërish Manaj, këtë herë finalizoi vetë me një goditje të saktë me kokë brenda në zonë. Goli i sulmuesit kuqezi rezultoi një trepikësh për Sivasspor pasi rezultati mbeti i pandryshuar deri në fund. Manaj u vlerësua edhe si lojtari më i mirë i ndeshjes me notën 8.7.

Forma e shkëlqyer e Rey Manaj është një lajm fantastik edhe për trajnerin e ekipit përfaqësues, Rolando Maran.