SPANJA

Lajme të ndryshme vijnë për të ardhmen e Lionel Messit tek Barcelona. Më i fundit nga gazetari Achraf Ben Ayad i beIN Sports siguron se Messi do të qëndrojë tek Barcelona.

Sipas kësaj mediaje prestigjoze në fushën e futbollit, kapiteni i Barcelonës ka vendosur të vijojë me katalanasit për më gjatë duke lënë pas krisjet e mëparshme.

Një ndikim të fuqishëm tek ky vendim mund ta ketë afrimi i mundshëm tek Barcelona i Sergio Kun Agueros, miku i ngushtë i Lionel Messit.
Gjithsesi të shumtë janë zërat që thonë se Messi e ka marrë prej kohësh vendimin për t’u larguar nga Barcelona.

(BalkanWeb)