Lionel Mesi është futur në historinë e kampionatin francez të futbollit, Liga 1, pasi regjistroi tri asistime të shtunën mbrëma ndaj Klermont, ku PSG fitoi me rezultatin tenistik 1-6.
Argjentinasi asistoi dy herë për Kilian Mbapenë dhe një herë për Nejmarin. Për shtatë herë fituesin e “Topit të Artë” ishte hera e dytë brenda këtij sezonit që kompleton het-trik me asistime në një ndeshje.
Kësisoj, 34-vjeçari është bërë lojtari i parë në historinë e Ligës 1 që ka regjistruar së paku tri asistime në dy ndeshje të ndryshme brenda një sezoni.
Gjithashtu Mesi mban vendin e parë për sa i përket futbollistëve që kanë regjistruar më shumë tripleta asistesh brenda një ndeshje, në historinë e futbollit. “Pleshti” parakaloi kështu Ozilin, duke u ngjitur në kuotin e 9 tripleta asistesh:
Most hattrick of assists in football history:
1. ?? Lionel Messi – 9
2. ?? Mesut Özil – 8
3. ?? Cesc Fabregas – 6The greatest playmaker of all-time. pic.twitter.com/lTbWJqYX5e
— Altin (@Altin10i) April 9, 2022
