Milani vazhdon të jetë në kërkim të një trajneri të ri dhe emri i Julen Lopeteguit mbetet në listë. Sipas Gazzetta dello Sport, trajneri bask është në pritje të ndonjë propozimi konkret nga klubi milanez, duke qenë se prioriteti i tij për momentin është të bëhet pasuesi i Stefano Piolit, i cili në fund të sezonit me gjasë do shpallë “divorcin”.
Emri i Lopeteguit nuk ngroh tifozët e Milanit, të cilët do të preferonin një tjetër profil për pankinën e vitit të ardhshëm. Për lojtarin e 12-të, tekniku spanjoll nuk është njeriu i duhur për të rindezur entuziazmin që është zbehur ndjeshëm këtë sezon. Lopetegui ka drejtuar ekipe si Porto, Sevilla dhe Wolves.
(J.S/BalkanWeb)