Qindra civilë u vranë mbrëmë kur një spital në qytetin e Gazës u bombardua, siç njoftoi Ministria e Shëndetësisë e lëvizjes islamike palestineze Hamas, duke fajësuar Izraelin për sulmin.

Ushtria izraelite, nga ana e saj, foli për një lëshim të dështuar të raketës nga Xhihadi Islamik Palestinez, një tjetër lëvizje islamike palestineze aleate me Hamasin, që goditi spitalin. Ministria e Jashtme e Rusisë e quajti sulmin në spital një sulm “tronditës” dhe “çnjerëzor”.

Në deklaratat e saj për Radio Sputnik, përfaqësuesja e tij, Maria Zakharova, i bëri thirrje Izraelit të provojë pretendimin e tij se nuk ishte i përfshirë në sulm, duke lëshuar imazhe satelitore që do të vërtetonin pafajësinë e tij.

(BalkanWeb)