Napoli-Verona nuk dëshirojnë të ndalen vetëm tek transferimi i Rrahmanit, tashmë i bërë zyrtar, mes palëve po planifikohet një tjetër lëvizje e bujshme, ku në fokus është talenti kuqezi, Marash Kumbulla. 20-vjeçari po mahnit Serie A, një lojtar për të cilin janë vënë prej kohësh në lëvizje klubet më të mëdha por Napoli ka një bonus me shumë nga të gjithë, marrëdhënia e tyre me drejtuesit e Veronas është shumë e mirë.
Sipas “Sky Sport”, drejtuesit e Napolit do të takohen me ato të Veronas për të paraqitur një ofertë zyrtare për qendërmbrojtësin shqiptar. Gjithçka nis mbi bazën e 20 milion euro plus bonuese, aq sa Verona vlerëson kartonin e Kumbullës. Me këtë lëvizje, më shumë se sa për të bindur Verona, Napoli kërkon të djeg konkurrencën e Inter, një tjetër klub që ndjek për kohësh situatën e Kumbullës. Zikaltërit dukeshin në avantazh për Kumbullën pasi kanë kontaktuar zyrtarisht me agjentët e tij por futja e Napolit me prepotencë në këtë tratative ka prishur jo pak balancat.
Përcaktuese në këtë tratative pritet të jetë vetë dëshira e lojtarit i cili tek Napoli mund të gjej kapitenin e Kombëtares, Elseid Hysaj që është pranë rinovimit të kontratës por dhe shokun e tij tek Verona, Amir Rrahmani i cili sezonin e ardhshëm do të vij aventurën në Napoli.
(BalkanWeb)
