Ministri i Brendshëm, Taulant Balla ka reaguar në lidhje me arrestimet në vend në kuadër të operacionit ‘Sundimi i ligjit’.
Në një deklaratë Balla theksoi se rritja e vigjilencës së policisë, analizat e riskut në kufi, po sjellin rezultate përditë.
MESAZHI I BALLËS
“SUNDIMI I LIGJIT” ⭕️ 22 PERSONA TË ARRESTUAR/ PROCEDUAR NË 24 ORË
👮👮♂️ Rritja e vigjilencës së Policisë së Shtetit, sigurimi i inteligjencës policore, analizat e riskut në kufi dhe bashkëpunimi me qytetarët po sjellin rezultate përditë, në drejtim të goditjes së shpërndarësve të drogës, të atyre që qarkullojnë me armë zjarri pa leje, të organizimit të kundërligjshëm të lojërave të fatit, si dhe të tentativave për të trafikuar lëndë narkotike, jashtë vendit.
81 kg cannabis sativa, kokainë, armë zjarri dhe sende të tjera të kundërligjshme, të sekuestruara në Kukës, Lezhë, Tiranë, Durrës dhe Fier, në kuadër të operacioneve të Policisë të zhvilluara 24 orët e fundit. 22 shtetas të arrestuar/proceduar për këto paligjshmëri.
Rezultate dhe më të mira presim në orët dhe në ditët në vijim, në kuadër të operacioneve të tjera kombëtare që po zhvillohen dhe do të intensifikohen për goditjen e paligjshmërive në të gjitha fushat që ato shfaqen.
