Pas 24 orësh pa reshje duket se shiu do të kthehet në zonat veriore. Sipas parashikimeve të sinoptikanëve gjatë ditës së sotme, moti mbi vendin tonë do të jetë i paqëndrueshëm, me diell, re dhe në disa zona veriore me reshje shiu.

Ndërkohë që në zonat e përmbytura uji ka nisur të tërhiqet dhe dëmet kanë dalë edhe më shumë në pah. Ministri i Financave, ka qenë sot në Dibër, qark që e përfaqëson si deputet në parlament, ku ka parë nga afër situatën e krijuar pas daljes së lumit Drin.

Ai është ndalur fillimisht në bashkinë e Matit, ku Shtabi i Emergjencave e ka njohur ministrin me situatën nga shirat. Sipas të dhënave në qarkun e Dibrës, ka dëme të mëdha në infrastrukturë, pasi shumë ura e rrugë janë dëmtuar.

ARRSH: Rrëshqitje dheu në disa rrugë, ja ku duhet të keni kujdes
Autoriteti Rrugor Shqiptar ndodhet në gatishmëri duke monitoruar situatën e rrugëve kombëtare dhe rurale në të gjithë vendin pas përmbytjeve të ditëve të fundit. Për shkak të reshjeve disa rrugë paraqesin probleme, pasi ka rrëshqitje dherash dhe gurësh, ndërsa në disa të tjera mund të ketë ngrica. Për këtë arsye, ARRSH informon për gjendjen e tyre.

TIRANË
Aksi Tiranë-Krrabë (km29)-Elbasan është i kalueshëm normalisht.
Akset Tiranë-Trau Dajt-Qafë Mollë-Bizë + Trau Dajt-Antena + Qafë Priskë-Shëngjergj janë të qarkullueshme normalisht.
Në gatishmëri janë 2 borëpastruese, ekskavator, grejder dhe 7 punëtorë.
Në aksin Sauk-TEG-Ibë – Elbasan, në segmentin Rotondo – Sauk – Ibë, gjendja është normale dhe qarkullimi kryhet pa probleme. Megjithatë në gatishmëri janë mjete dhe punëtorë.
Në aksin Ura e Peshkatarit – Berzhitë ka një çedim të trupit të rrugës me 10 ml, deri në gjysmën e korsisë.
Nga informacioni që është dërguar nga supervizori i Kontratës nr.2, ne segmentin Qafë Priskë-Shëngjergj që i përket kësaj kontrate, në vendin Ura e lumit Derje, është dëmtuar mbrojtja prej betoni. Si rezultat është gërryer trupi i rrugës në një gjatësi prej 115 ml. Për këtë problem është ngritur grupi i punës me përfaqësues të Drejtorisë dhe të firmës që mbulon këtë kontratë.
Është çuar një ekskavator për të bërë devijimin e lumit, në mënyrë që të mos godasë trupin e rrugës, kjo si zgjidhje provizore.
Gjithashtu inxhinieri topograf i firmës ka bërë rilevimin , për të marrë masat për një zgjidhje përfundimtare. Janë marrë masa me sinjalistikë.

DURRËS
Nuk ka probleme në akset e këtij qarku. Të bëhet kujdes në qarkullim, pasi ka trafik në akset e këtij qarku.

VLORË
Në akset e këtij qarku nuk ka probleme për qarkullimin. Situata mbahet në monitorim të vazhdueshëm, sidomos pikat ku ka rënie materialesh. Në Llogora janë në gatishmëri 1 borëpastruese, 1 fadromë dhe 5 punëtorë. Të behet kujdes ne kalimin e segmenteve ku ka rrezik për rënien e dherave dhe te respektohet sinjalistika e vendosur.

GJIROKASTËR
Nuk ka probleme në akset e këtij qarku. Situata mbahet në monitorim të vazhdueshëm, sidomos në zonat e njohura ku ka rrëshqitje siç janë Shkalla e Zezë ku janë në gatishmëri 1 fadromë dhe 6 punëtorë dhe rrapi i Kuqarit, ku janë në gatishmëri 1 fadromë dhe 5 punëtorë.
Rekomandohen përdoruesit e rrugës, që në këto zona të respektojnë sinjalistikën e vendosur.
Në të gjitha akset e këtij qarku nuk ka probleme për qarkullimin e mjeteve. Të bëhet kujdes në kalimin në segmentet rrugore ku ka rrezikshmëri për rënien e gurëve në rruge.

ELBASAN
1. Aksi Elbasan-Librazhd-Qafë Thanë, ka si pika më të vështira:
1. Murrash, km 73-77
2. Dragostunjë, km 81-84
3. Pishkash, km 101-103
4. Qafë Thanë, km 110-113
Në Xibrakë, ne Km 63,2, tek shembja e murit, qarkullimi kryet me nje kalim te rregullt dhe një kalim në korsi provizore.
Në gatishmëri në këtë aks janë 2 fadroma, 2 kamionë dhe 10 punëtorë, për çdo rënie materialesh në rrugë. Situata per momentin është normale.
Në aksin Librazhd – Steblevë situata për momentin është normale. Këtu janë ne gatishmëri 1 traktor me zinxhirë, 1 fadrome dhe 11 punëtorë.
2. Aksi Elbasan-Peqin ka si pika më të vështira:
1. Derven, km 60-63
2. Babluc, km 66-67
Në këto momente qarkullimi është normal. Këtu janë ne gatishmëri 1 kamionçine, 1 fadrome dhe 4 punëtorë.
3. Në Papër, km 57, situata është normale.
4. Aksi Elbasan – Gramsh ka si segmente më të vështirë:
1. Banjë – Drizë, km 77-89
2. K/Shirgjan – Drizë, km 72-80
Qarkullimi është normal deri në këto momente. Ka mjete e punëtorë ne gatishmëri.
5. Aksi Gramsh – Kodovjat, Bersnik, Mashan, Km 104-109, qarkullimi kryhet normalisht.
Në të gjitha këto pika të rrezikshme ka mjete dhe njerëz në gatishmëri. Është kryer pastrimi i akseve nga gurët dhe materialet e tjera. Të bëhet kujdes në akset ku ka materiale në rrugë.
Të respektohen tabelat e sinjalistikës, sidomos tabelat e shpejtësisë

KORÇË
Gjendja e Akseve rrugore të Qarkut Korçë paraqitet normale dhe është duke u punuar për kriposje pjesore.
Në akset e këtij qarku janë në gatishmëri 13 borëpastruese, 3 grejdera, 8 fadroma, 14 kamionë dhe punëtorë ne segmentet me problematike. Të bëhet kujdes në akset ku ka materiale në rrugë. Të respektohet sinjalistika në vendet ku ka prani të ngricave në rrugë.

FIER
Nuk ka probleme për qarkullimin në akset e këtij qarku. Të bëhet kujdes në lëvizje, për shkak të fluksit të makinave.

BERAT
Nuk ka probleme për qarkullimin e mjeteve në akset e këtij qarku. Punohet për pastrimin e akseve, në kuadër të kontratave me performancë.

KUKËS
Nuk ka probleme për qarkullimin e mjeteve në të gjitha akset e këtij qarku. Në aksin Tuneli Kalimash-Kukës-Morinë janë në gatishmëri 3 mjete, në aksin Kukës – Krumë janë në gatishmëri 2 mjete, në aksin Kukës-Draj Reç janë në gatishmëri 2 mjete, në aksin Domaj-Bushtrice janë në gatishmëri 2 mjete, në aksin Kukës-Qafë Shllak janë në gatishmëri 2 mjete, në aksin Kukës-Ura e Zapodit janë në gatishmëri 2 mjete, në akset e Tropojës janë në gatishmëri 10 mjete.
1. Në aksin Krumë- Qafe Prush, në një gjatësi prej 80ml, ka një çedim të trupit të rrugës. është vendosur sinjalistika përkatëse dhe qarkullimi vazhdon normalisht.
2. Në aksin B. Curri – Valbonë, në km 13 -17, në vendin e quajtur Prroni i Thatë, ka rënie gurësh masive që sjellin rrezikshmëri për qarkullimin.
3. Në aksin Fierzë-Lekbibaj, në vendin e quajtur Shkëmbi i Rajës, ka herë pas here shembje dhe rënie gurësh. Janë pastruar nga firma kontraktore.
4. Në aksin Domaj-Bushtricë, ne km 27, 29 dhe 31 nga Kukësi, ka çedim të trupit të rrugës 20-70 cm, dhe vështirësi në qarkullimin e mjeteve.
5. Edhe në akse të tjera ka rënie gurësh në rrugë, të cilat janë pastruar nga kontraktorët.
Në të gjitha akset e këtij qarku, qarkullimi kryhet normalisht.
Të bëhet kujdes dhe të respektohet sinjalistika në vendet ku ka probleme në rrugë dhe rënie gurësh e materialesh të tjera. Gjithashtu të bëhet kujdes në ato segmente ku ka ngrica ne rruge.

DIBËR
Në të gjitha akset qarkullimi kryhet normalisht.
Në akset e këtij qarku janë në gatishmëri 14 mjete, ne zonat ku ka rrezik për rënien e materialeve ne rruge. Rekomandohen përdoruesit e rrugës të bëjnë kujdes në zonat ku ka rrezik te rënies se materialeve ne rruge, si dhe të lagështisë ne rruge.
1. Gjatë gjithë aksit Skurraj – Burrel , ka herë pas here rënie gurësh në rrugë, që krijojnë probleme në qarkullim. Inspektorët dhe firmat ish kontraktore punojnë vazhdimisht për pastrimin e tyre. Në vendin e quajtur Baz, ka çedim të trupit të rrugës dhe shembje të murit pritës të rrugës. Në këto zona duhet të tregohet kujdes nga përdoruesit e rrugës, Ne gatishmëri janë 2 mjete.
2. Në aksin Burrel – Qafë Bualli, 1.5 km në dalje të qytetit të Burrelit, ka një çedim masiv të trupit të rrugës. Për momentin nuk ka probleme për qarkullimin.
3. Në aksin rrugor Kuben-Vasie, në km 19.5 nga Peshkopia, në fshatin Vleshe, ka një çedim të trupit të rrugës. Në këtë aks ka reshje bore dhe kalimi në këtë aks rekomandohet të bëhet me zinxhirë. Të bëhet kujdes në qarkullim në akset ku ka inerte në rrugë dhe të respektohet sinjalistika.

SHKODËR
Në të gjitha akset qarkullimi kryhet normalisht. Në akset Dedaj-Razëm dhe Koplik – Bogë ka rënie gurësh si pasojë e reshjeve te shumta. Ne gatishmëri janë 2 mjete fadroma, që po bëjnë pastrimin e akseve.
Edhe ne aksin Shkodër-Qafe Qele ka rrezik për rënie gurësh në rrugë. Edhe këtu është në gatishmëri 1 fadrome. Në aksin Shpal-Ura e Repsit janë në gatishmëri 2 mjete, në aksin Rrëshen-Qafë Bene janë në gatishmëri 2 mjete.
Në aksin Qafë Mali-Fierze janë në gatishmëri 2 mjete, në aksin K.Hadroj – Qafë Bene janë në gatishmëri 2 mjete.
1. Në aksin Qafë Laç – Qafë Qele ka zona me rrezik për rënien e gurëve, prandaj duhet të bëhet kujdes në qarkullimin në këtë aks.
2. Në aksin Pukë – Fushë Arrëz, në vendin e quajtur Kroi i Zojes, ka shembje të murit mbajtës të rrugës dhe çedim të saj. Situata e qarkullimit është normale. Ne gatishmëri është 1 mjet.
3. Gjatë aksit Fushë Arrëz-Qafë Mali-Qafë Shllak, ka herë pas here rënie gurësh dhe shembje të skarpatave, por nuk ka probleme për qarkullimin. Ne gatishmëri është 1 mjet.
4. Në aksin Vau i Dejës-Koman ka segmente ku ka rrezikshmëri për rënie gurësh e materialesh në rrugë. Në këtë aks, disa prej urave janë të dëmtuara, prandaj rekomandohet të bëhet kujdes në qarkullim.
Të bëhet kujdes në zonat ku ka ngrica në rrugë, për shkak të temperaturave të ulëta të natës. Gjithashtu të bëhet kujdes në zonat ku ka rënie gurësh e materialesh në rrugë.

LEZHË
Në të gjitha akset qarkullimi kryhet normalisht. Në aksin Milot-Skurraj-Rrëshen është në gatishmëri 1 mjet, në aksin Ura e Zogut-Rubik-Rrëshen është ne gatishmëri 1 mjet, ne aksin Rrëshen-Tuneli i Thirrës janë ne gatishmëri 3 mjete.
1. Në aksin Rrëshen-Tuneli i Thirrës, në zonat e quajtura :
a. Mashterkovë km 26,
b. Fan km 28.5,
c. Bicak km 34,
Në km 34 të këtij aksi rrugor ka ndodhur një shembje e madhe dhe menjëherë në vend është vendosur sinjalistika e nevojshme. Megjithatë qarkullimi kryhet normalisht në këtë aks. Të bëhet kujdes dhe të respektohet sinjalistika rrugore.
(m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: