Presidenti i Federatës Shqiptare të Futbollit, Armando Duka, i ftuar në ‘supersport’ ka prekur tema shumë interesante dhe me rëndësi për të ardhmen e futbollit në vendin tonë. Nga zgjedhjet e reja në FSHF, akuzat e Partizanit dhe Flamurtarit, ndeshjet e trukuara e deri te përzgjedhja e trajnerit të ri të Kombëtares, janë çështje që Duka iu përgjigj në studio.

Zgjedhjet e reja në FSHF

“Përpara se do të marrë këtë vendim do të bëjë dy gjëra. Do të shoh premtimet që kam bërë në zgjedhjet e kaluar, dhe do ta diskutoj me anëtarët nëse ata vlerësojnë se këto premtime që ka bërë presidenti janë realizuar apo jo. Nëse do të jetë përgjigja ‘jo’, atëherë nuk do të kandidoj. Në momentin që do të caktohet dita e zgjedhjeve është koha e barabartë për të startuar. Pavarësisht alternativa që do të fitojë, besoj se ai do të marrë diçka dhe nga të tjerët”.

Ndeshjet e dyshuara

“Në një periudhë kur bëmë Kupën e Shqipërisë me grupe kishim shumë ndeshje të dyshuara. Sot në Kategorinë Superiore janë minimizuar shumë. Ka ndeshje të dyshuara për trukim në ndeshjet e Kupës, por nuk janë të vërtetuara. Është shumë më e vogël se disa vite më parë”.

Akuzat e Partizanit dhe Flamurtarit

Çdo ekip që humb, ose nuk arrin atë që dëshiron, e kërkon gabimin te tjetër. Edhe kur nuk ka drita, thonë që fajin e ka federata. Fajin e kanë vetë dhe jo ne. Në fund në çdo ndeshje skuadrat marrin atë që dëshirojnë. Në momentin që çdo përgjegjësi sportive ja delegon diku tjetër kjo ndikon negativisht në ekip. Nëse ke probleme dhe halle duhet t’i zgjidhësh brenda familjes, dhe ankesat që ke duhet t’i paraqesësh te organet kompetente. Mendoj se më mirë do ishte ankesa institucionale dhe jo publike apo në media.

PËRZGJEDHJA E TRAJNERIT TË RI

“Në atë kohë, janë publikuar emrat. Kanë qenë kandidatë që ne i kemi intervistuar: Sedorf, Zenga, Ish-trajneri i Udinezes. Vërtetë që ishin trajnerë të mirë me karakteristikat e tyre. Sedorf, për mua, ishte një nga njerëzit më intelektualë, më i përgatitur, i superedukuar, me gjithë të mirat që mund të ketë një person. Nga më të mirët që unë kam parë në botën e futbollit. Por, nuk më bindte për postin e trajnerit.

Është një tjetër gjë. Nëse do ta zgjidhja për çdo gjë tjetër, ishte një super intelektual. Më ka lënë mbresa të jashtëzakonshme. Dhe nuk e mendoja që mund të vinte një ditë, që ne përfaqësuesit e Shqipërisë, do t’i thoshim jo, ose do të refuzonim një kandidaturë të tillë, kaq të madhe, kaq të përgatitur dhe kaq intelektuale.

Edhe të tjetër gjithashtu. Di Kanio, një njeri me shumë eksperiencë, shumë i përgatitur dhe shumë i qetë. Edhe ai mund ta ndihmonte skuadrën. Por, Panuçi më ka bindur me një dëshirë dhe pasion shumë më të madh se të tjerët. Me grintë shumë më të madhe dhe këto janë të rëndësishme për mua në futboll. Edhe De Biazin e kam zgjedhur për të njëjtat karakteristika”
Kombëtarja

“Jam i kënaqur me pikët që kemi arritur në pikë, duke marrë parasysh kundërshtarët. Fillimi i post 2006, pati atë grafikun e rënies, por sipas analizës sime përfundoi në ndeshjen në Izrael. Për ndeshjen me Izraelin në shtëpi, por nuk besoj se mund të kishim arritur më shumë.

Më erdhi keq për Italinë, pasi do të doja që të merrte pjesë në Europian. Nëse ne do të ishim në “play off” ndoshta do të ishim më të fortë se Italia. Vendimi për të ndryshuar stafin në katër ndeshjet e fundit zyrtare, u mor për t’i shërbyer objektivit për në Euro 2020. Nuk mund të them se është një ‘bast i fituar’, pasi duhet të presim. Kam besim se do të shkojë mirë”.

Largimi i De Biazit

“De Biazi gjatë kohës që erdhi tha se ju kam gjetur kur ju rrihte Luksenburgu dhe në fakt u largua pas asaj humbje. Ajo humbje i bëri mirë skuadrës. Pas asaj ndeshje futbollistët e ndjenë frikë në kockë, dhe besoj se ishte një gjë e mirë. De Biazi i ndjek më mirë se unë mediat shqiptare. Komunikojmë rregullisht”.

Kombëtaret e moshave

“Ne bëjmë shumë investime për ekipet e moshave. Rezultatet vitet e fundit nuk ika buzëqeshur U 19, kurse U 17 u paraqit shumë mirë, teksa humbi ndaj Spanjës dhe Kroacisë duke humbur në minutat e fundit. Duhet të përgatisim futbollist për ekipin A”.

(e.k/BalkanWeb)