Një ngjarje e rëndë është shënuar pak minuta më parë në Fushë-Krujë.
Dy persona të plagosur me armë të ftohtë, dyshohet thikë, janë paraqitur në Qendrën Shëndetësore të Fushë Krujës.
Të plagosurit janë baba e bir, SH.S dhe A.S, banorë të fshatit Larushk në Fushë-Krujë.
Sh.S është punonjës i Ujësjellësit të Krujës, ndërsa i biri sapo ishte kthyer nga jashtë shtetit.
Janë akoma të paqarta motivet, autorët dhe vendi ku janë plagosur baba e bir.
Të dy të plagosurit janë dërguar me urgjencë në Spitalin e Traumës në Tiranë.
Ata kanë marrë plagë në disa pjesë të trupit. Babai mësohet se është më rëndë, sepse ka marrë plagë në bark.
(d.xh/ Balkanweb)