Duket e vështirë, por krizat mund të kthehen edhe në mundësi. Konfirmimi për këtë vjen nga Milan, që në pikëisht në periudhën më të vështirë të futbollit, ka arritur të nxjerrë më të mirën nga futbollistët dhe skuadra. Kuqezinjtë kryesojnë renditjen e Serie A, por dyshimet nëse mund ta mbajë këtë vend deri në fund të sezonit janë të qënësishme.

Por sido që të shkojë deri në maj, “Djalli” e ka fituar titullin e tij. E thonë këtë numrat. Milan nuk humbet asnjë ndeshje në kampionat që nga 8 marsi. Humbja e vetme është ajo me Lille në Ligën e Europës, por që nuk kishte asnjë pasojë, me kuqezinjtë që morën vendin e parë në grup. Por ky është tjetër diskutim.

Në Serie A, që pas “lockdawn” që ndërpreu sezonin e shkuar, Milani i Stefano Pioli nuk njeh asnjë humbje në 34 ndeshje. Nëse do të ishte një kampionat i vetëm, atëherë kuqezinjtë do të kishin grumbulluar 76 pikë dhe do të kryesonin një renditje ipotetike me gjashtë pikë më shumë se rivalët e përjetshëm edhe tani ndjekësit më të afërt të Milanit. Më pas dhe me një diferencë të rëndësishme do të vinin Atalanta, Juventus dhe Lazio.
(balkanweb)