TIRANE –Një person i ka shpëtuar një sulmi me armë, pasditen e sotme në kryeqytet. Ngjarja ka ndodhur në një lokal në Rrugën e Kavajës në Tiranë, ku shënjestra e sulmit ishte ulur i vetëm në lokal, kur i janë afruar 3 persona dhe pasi janë konfliktuar me të, e kanë qëlluar 1 herë me armë zjarri.
Por policia nuk ka gjetur në vendin e ngjarjes, as personin e plagosur dhe as gëzhoja plumbash. Dyshohet se autorët e sulmit kanë përdorur një pistoletë me mulli, që nuk lë gëzhoja.
Sipas burimeve nga policia, personi që u qëllua me armë është plagosur lehtë në vesh dhe është larguar në këmbë nga vendi i ngjarjes.
Ndërkohë, policia ka shoqëruar dy shtetasit kosovarë, Flamur Hoti dhe Anton Azizi, 26 dhe 31 vjeç, të dyshuar se kanë lidhje me ngjarjen.
Momentalisht nuk dihet ende identiteti i të lënduarit, ndërsa mbeten ende të paqarta shkaqet e ngjarjes. Policia pritet të zbardhë detaje të tjera në lidhje me këtë ngjarje, që tronditi banorët e Rrugës së Kavajës këtë të dielë.
NJOFTIMI I POLICISE
Tek Salla Operative e Drejtorisë së Policisë Tiranë ka ardhur një telefonate se është dëgjuar një e shtënë me armë zjarri. Menjëherë në vendngjarje kanë shkuar shërbimet e policisë ku është konstatuar se:
Dyshohet se tre persona jane konfliktuar per motive ende te paqarta tek ish-parku i autobuseve dhe njëri prej tyre ka qelluar një here me pistoletë në drejtim të një personi dhe janë larguar menjëherë.
Si pasojë e kësaj ngjarje deri tani nuk ka persona te demtuar. Jane shoqeruar dy prej personave të dyshuar te përfshire konflikt. Policia ne vendngjarje po punon për zbardhjen e sqarimin e rrethanave te ngjarjes.
(er.nu/BalkanWeb)