Nënkryetari i PD, Edi Paloka ka reaguar për mungesën e kryeministrit Rama në parlament gjatë kohës kur Presidentja në detyrë e Kosovës, Vjosa Osmani mbajti një fjalim domethënës.

Paloka thotë se ky ishte një bojkotim nga ana e Ramës si një akt i turpshëm dhe i shëmtuar që s’ka ndodhur kurrë më parë në Shqipëri.

Sipas Palokës, edhe ky akt e ka shtyrë Ramën ta bojkotojë Osmanin prej atyre që i konsideron partnerë në Ballkan.

Nënkryetari i PD konstaton se Rama ka tradhëtuar vlerat e kombit për të disatën herë dhe kjo gjë s’mund të falet.

STATUSI NGA EDI PALOKA

Eshte e turpshme qe Rama bojkotoi sot fjalimin e Presidentes se Kosoves ne parlament. Kio nuk ka ndodhur kurre ne Shqiperi dhe eshte nje akt i shemtuar politik dhe jo vetem i shtyre nga ata qe Rama i konsideron partnere te tij ne Ballkan.

Edi Rama tradhetoi sot vlerat e kombit dhe per fat te keq nuk eshte hera e pare qe e ben kete. Motivet politike dhe personale qe e shtyne ta beje kete akt jane te pafalshme.

(BalkanWeb)