Numri i të vdekurve nga shirat e fundit të dendur dhe përmbytjet në Sudan është rritur në 83, tha të hënën Këshilli Kombëtar për Mbrojtjen Civile të vendit.

Ndërkohë, më shumë se 18,000 shtëpi u shkatërruan dhe 25,000 të tjera u dëmtuan në zonat e prekura, sipas një deklarate të këshillit.

Ministria e Ujitjes dhe Burimeve Ujore paralajmëroi në një deklaratë për shtyp se nivelet e ujit të lumenjve Nili Blu dhe Nili i Bardhë pritet të rriten sërish gjatë dy ditëve të ardhshme.

Ministria u bëri thirrje njerëzve që jetojnë pranë dy lumenjve, veçanërisht në kryeqytetin Khartoum, të marrin masat e nevojshme.

Lumenjtë në Sudan kanë regjistruar nivelet e tyre më të larta që nga viti 1946, sipas ministrisë.

Të dielën, Këshilli i Ministrave sudanez shpalli një gjendje të jashtëzakonshme në gjashtë shtetet e goditura nga përmbytjet e lumit Nil, Gezira, Nili i Bardhë, Kordofan Perëndimor, Darfuri i Jugut dhe Kassala.

Rreth 136,000 njerëz janë prekur nga përmbytjet dhe shirat e dendur në të gjithë Sudanin që nga qershori, sipas Zyrës së OKB-së për Koordinimin e Çështjeve Humanitare.

Sudani shpesh është dëshmitar i përmbytjeve të shkaktuara nga shirat e dendur nga qershori deri në tetor.