TIRANE – Kryeprokurori Adriatik Llalla u paraqit rreth orës 14:50 në mbledhjen e Komisionit të Sigurisë, për të raportuar në lidhje me të ashtuquajturën pajisje përgjimi. Prokurori i Pergjithshem tha se procedimi penal ka nisur për shpërdorim detyre, në bazë të indicieve se në territorin e Shqipërisë ka hyrë një pajisje gjurmuese apo përgjuese. “Çështja vazhdon të jetë nën hetim me qëllim zbardhjen e rrethanave të saj. Ne po të kishim pengime nga qeveria për hetimin e kësaj çështjeje do kishim hapur procedim penal për pengim të hetimeve të mëtejshme”, tha Llalla duke sqaruar se “ka nisur procedim penal per shperdorim detyre mbi bazen e dyshimit se ne Shqiperi ka nje pajisje pergjimi”.
Debate dhe mes kryetarit te Komisionit Noka dhe anetarit Lutaj.

LALLA: Të nderuar anëtarë të komisionit, në përgjigje të ftesës suaj jam përpara këtij komisioni për t’ju informuar se Prokuroria në bazë të informacionit nga SHISH dhe te dhenave mediatike ka nisur procedim penal per shperdorim detyre mbi bazen e dyshimit se ne Shqiperi ka nje pajisje pergjimi. Hetim që ka nisur me indicie se në territorin e Shqipërisë janë futur pajisje gjurmuese apo përgjuese, nën hijen e dyshimit i them të gjitha këto, sepse jemi në fazën e hetimit.

LUTAJ: Meqë keni ardhur dhe jeni paraqitur në komision do kërkoja mirëkuptimin tuaj të ruaj më këtë çka thatë, hetimin d.m.th. Por do ju bëjmë disa pyetje. Kemi qëndrime shumë të ashpra të Presidentit të Republikës, se institucione qeveritare po pengojnë në zbardhjen e kësaj të vërtete.
Keni ndjerë ju pengesë në punën tuaj?
Pyetja e dytë, meqë ju jeni këtu ballë nesh, keni fatin e madh të jeni këtu, ne kemi pasur një situatë të tillë para disa vitesh. Ka qenë një reagim i palës opozitar për përgjime. Për këtë ka një denoncim zyrtar në prokurori, nuk pati përgjigje zyrtare nga prokuroria për këtë cështje.

NOKA: Lutaj nëse keni çështje të tjera lërini, përmbaju rendit…

LUTAJ: Drejtuesi i SHISH ju ka lënë përgjegjësinë kryesore që gjithë këtë çka është komentuar kësaj kohe, është konsumuar vetëm me ju. Informacion gojor që ai e ka konsideruar të ligjshëm t’ua thotë, por ju keni zgjeruar përmasat. Keni bërë veprim dinjitoz, por ndryshe nga sa keni vepruar vite më parë?
Ruaj rezervat për këtë

LLALLA: Rasti për të cilin diskutohet, hetimi ka nisur pas informacioneve të SHISH­-it, si edhe në bazë të dhënave mediatike dhe të dhënave të
tjera. Hetimi ka nisur ne daten 13 Maj, pra ka vetëm 5 ditë që ka filluar. Ne kemi kryer kërkime të rëndësishme hetimore. Prokuroria është angazhuar dhe ka ngritur një grup të posaçëm pune për të përfunduar në një kohë të shkurtër hetimet. Lidhur me përgjimet e viteve ’90-­të hetimet nuk janë përfunduar.

LUTAJ: Nuk mora përgjigje për dy gjëra. Keni marrë informacion me shkrim apo formal. Qeveria është akuzuar nga Presidenti se kemi cënuar sigurinë kombëtare

NOKA: Po është prokuror, nuk mund të bëjë komente politike

LUTAJ: Keni pengesa nga qeveria shqiptare mbi këtë çështje.

NOKA: Bëhu serioz

LUTAJ: Kam bërë dy pyetje nuk ka marrë përgjigje

LLALLA: Dua të theksoj se Kodi Penal parashikon edhe veprën penale të moszbulimit të së vërtetës. Nëse Prokuroria do të ketë pengesa nga qeveria apo zyrtarë mund të hapë procedim penal.

LLALLA: Do nisin hetimet.

RAMA: Më lejoni të shpreh një konsideratë për prokurorin e përgjithshëm që ka ardhur në komisionin e sigurisë. Edhe pse i qëndroj qëndrimit tim se ligjërisht kjo seancë është nul. Ne praktikisht jemi në tejkalimi të kompetencave tona për të thirrur këtu prokurorinë. Prokuroi pohoi se ka nisur një hetim 4 –5 ditë më parë për këtë çështje. Ndaj do të thotë se indicia nuk ka qenë informimi i kreut të SHISH, por reagimi i mediave. Për të sqaruar opinionin më shumë, pasi ne jemi ligjbërës, më lejoni të citoj nenin 222 për pajisjet e identifikimit, për të përgjuar, të ligjshme dhe të paligjshme, ‘përgjimi në vendet publike, regjistrimi i nr të telefonit, dhe vendndodhjen, autorizohet vetëm nga prokurori”. Ndaj ky debat nuk ja vlen të vijoj më tej, ndaj t’ja lëmë prokurorisë për të zbardhur të vërtetën.

STËRKAJ: Nuk ka asnjë pengesë ndaj mbaron dëgjesa dhe jemi dakord që ta mbyllim këtë mbledhje.

NOKA: Është hapur duke u iniciuar nga një informacion me shkrim apo me kryesisht?

LLALLA: Është diskutuar si çështje si informacion gojor i kreut të SHISH dhe mediave. Në rastin konkret bëhet fjalë për një çështje me rëndësi të madhe pasi cenohen interesat kombëtare.

RAKIPI: Keni dijeni për këtë pajisje që është futur në Shqipëri?

LLALLA: Hetimi do të zbardhë të gjitha këto çështje. Rezultatet besoj do të dalin së shpejti për t’i dhënë përgjigje këtij rasti.

NOKA: Ajo që është e rëndësishme sa i takon transparencës është se në këtë komision rezultoi se ekziston një pajisje që nga ministri pranohet, nga kreu i policisë herë pranoi herë. E falënderojmë kryeprokurorin për përgjigjet ndaj pyetjeve të deputetëve. Çështja pse ky komision ka kërkuar këto seanca ishte, se a ekziston në territorin e Shqipërisë një pajisje e tillë. U pranua nga ministri dhe kryeprokurori se pajisja ekziston. Ministri Brendshëm dhe kreu i policisë duhet të japin dorëheqje që hetimi të jetë i plotë, prezenca e tyre në detyrë do të thotë se ata përpiqen dhe po ndikojnë për të penguar procesin hetimor.

PARA LLALLES RAPORTUAN, VISHO AJAZI LIKA e CAKO
Prokurori i përgjithshëm u thirr për një seancë dëgjimore në Komisionin e Sigurisë, ku para tij raportuan edhe kreu i SHISH-it Visho Ajazi Lika, drejtori i Policisë së Shtetit, Haki Çako dhe ministri i Brendshëm, Saimir Tahiri.
Kreu i SHISH-it bëri të ditur se kishte informuar kryeprokurorin Llalla për futjen në Shqipëri të një pajisjeje IMCI Cacher. Ai tha se presidenti i kishte kërkuar informacion mbi këtë çështje, ndërsa sipas tij, tagrin për të informuar kryeministrin e ka prokuroria, e cila duhet të konfirmonte informacionet.
Ndërkohë, drejtori i Policisë së Shtetit, Haki Çako tha se policia nuk ka patur dhe nuk ka asnjë pajisje përgjimi, ndërsa theksoi se është në dispozicion të prokurorisë për çdolloj hetimi.
Ministri Tahiri tha se siguria kombëtare cënohet më shumë nga deklaratat që tha kreu i SHISH sot në komision, se sa nga shqetësimi që ka ngritur opozita.

(er.nu/da.bo/ed.me/el.sp/BalkanWeb)