Dy kandidatë të skualifikuar nga gara për tu bërë anëtarë të Gjykatës Kushtetuese prej Këshillit të Emërimeve në Drejtësi e kanë paditur këtë të fundit në Gjykatën Administrative.
Gazetarja Klodiana Lala raporton për “BalkanWeb” se bëhet fjalë për kandidatët Eugen Papandile dhe Sinan Tafaj.
Gjykatës Kushtetuese i është drejtuar Eugen Papandile, i cili është skualifikuar për kriterin e vjetërsisë në detyrë, bëhet fjalë për 4 muaj. Por sipas tij, përllogaritja është bërë gabim.
Në dyert e Gjykatës Administrative ka mbërritur edhe Sinan Tafaj, i cili pretendon se i përmbush të gjitha kritetet dhe se është shkarkuar për disa pasaktësi në deklarimni e pasurisë, të cilat do t’i sqarojë edhe pranë Administratives. Ai thotë po ashtu se duke e skualifikuar, KED e ka diskriminuar pasi është i verbër. Seanca e radhës për të pritet të mbahet më 3 nëntor.
Kujtojmë që krijimi i Gjykatës Kushtetuese sa më shpejt është një nga kushtet e BE, ndërsa politika shqiptare ka dhënë garanci se kjo gjykatë do të plotësohet brenda muajit dhjetor. Prej tre vitesh Kushtetuesja është jashtë funksionit, ndërsa çështje të nxehta dhe jo vetëm presin të shqyrtohen.
(BalkanWeb)
