Ndërtesa e Parlamentit të Afrikës së Jugut, që gjendet në Kejp Taun është përfshirë nga flakët.
Menjëherë në vendin e ngjarjes kanë mbërritur epiket e zjarrfikësve, të cilëve iu deshën disa orë që ta vinin zjarrin nën kontroll. Flakët shkaktuan shtëllunga tymi që dukeshin nga disa kilometra larg ndërtesës.
Ndërkohë Ministrja e Punës Publike dhe Infrastrukturës, Patricia De Lille, tha për mediat se zjarri ka shkaktuar dëme në Dhomën e Parlamentit Kombëtar, ndërsa deri më tani nuk ka raportime për të lënduar nga zjarri.
Sakaq ende nuk dihet shkaku i rënies së zjarrit.
(BalkanWeb)