Hipertensioni e rrit rrezikun e sëmundjeve të zemrës dhe sulmeve të trurit. Vetëm në Amerikë, 75 milionë njerëz janë të diagnostikuar me hipertension.

Në fakt, 1 në 3 të rritur diagnostikohen me para-hipertension, gjendje ku numrat e presionit të gjakut janë më të lartë se normalja, por jo aq të lartë sa për t’u diagnostikuar me hipertension.

Më e keqja është se shumica e këtyre individëve që jetojnë me presion të lartë të gjakut nuk bëjnë ndryshime në stilin e tyre të jetesës.

Ekspertët e ndryshëm shëndetësorë kanë treguar se sheqeri është një nga produktet të cilin duhet ta shmangin personat me hipertension, shkruan tg.

Është e rëndësishme t’i reduktoni produktet të cilat përmbajnë sheqer, pasi ato esencialisht nuk ofrojnë asgjë më shumë se kalori dhe kontribuojnë në shtimin e peshës – personat mbipeshë dhe obezë janë gjithashtu të rrezikuar të zhvillojnë presion të lartë të gjakut.

Ekspertët amerikanë rekomandojnë të konsumoni maksimumi 35.9 gramë sheqer në ditë për meshkujt, ndërsa femrat vetëm 25 gramë. Sheqeri gjendet në alkool, salca të ndryshme, ëmbëlsira, pije, etj.