POGRADEC – Policia ka sekuestruar 16 kallëpe eksplozivi C4 si dhe ka arrestuar 28-vjeçarin Selajdin Lamlli, që i kishte fshehur ato në makinën e tij.
Eksplozivi u zbulua gjatë një kontrolli të policisë, i fshehur nën sedijen e makinës së Lamllit, në një tub plastik. 28-vjeçari ishte duke udhëtuar me një Fiat me targa AA 469 FA.
Pas arrestimit, lënda eksplozive u sekuestrua në cilësinë e provës materiale dhe tashmë, materialet në ngarkim të Lamllit i kalojnë Prokurorisë.
(ar.sh/BalkanWeb)