Prerja e paligjshme e pyjeve vazhdon që të jetë një fenomen negative, që vijon në mënyrë permanente në qarkun Dibër.
Gazetari Enver Doci raporton për “Balkanweb” se IKMT e qarkut shprehet se vazhdon aksioni për të frenuar këtë fenomen.
Një gjë të tillë thotë edhe drejtori i IKMT në Dibër, Lutfi Miftari.
Sipas urdhërave, në vendin e quajtur Prat, në njësinë administrative Selishtë, IKMT ka bllokuar një mjet me lëndë drusore, që nuk ishte e pajisur me dokumente.
Në bashkëpunim të ngushtë me Policinë Vendore të Qarkut Dibër, aksioni u finalizua dhe mjeti u dërgua në Komisariatin e Policisë Peshkopi.
Mjeti u dërgua në komisariat për të vazhduar më tej me veprimet e nevojshme procedurale.
Sipas pronarit, aksiooni vijon në mënyrë të pandërprerë, deri në zhdukjen e fenomentit të prerjes dhe kontrabandës së prerjes së lëndëve drusore.
