Autoriteti Portual i Durrësit ka njoftuar shtyrjen e udhëtimin për pasagjerët që do të udhëtonin mbremjen e sotme për në Bari.
Me një njoftim zyrtarAutoriteti Portual bën me dije se shkak i kësaj vonese është bërë një problem teknik i tragetit duke kërkuar mirëkuptimin e qytetarëve.
Njoftim për udhëtarët e linjës Durrës-Bari
Njoftojmë pasagjerët që kanë rezervuar lundrimin mbrëmjen e sotme nga Porti i Durrësit drejt Barit me tragetin “AF Francesca”, se për shkak të një avarie të pësuar trageti nuk ka bërë nisje nga Porti i Barit sipas orarit të parashikuar, për rrjedhorë as nisja e parashikuar nga Porti i Durrësit nuk do të bëhet sot në orarin e paracaktuar.
Autoriteti Portual Durrës, kërkon mirëkuptimin e udhëtarëve, ndërsa po vijon puna me agjencinë lundrimore “Adria Ferries” për zgjidhjen sa më shpejt të kësaj situate.
Në një moment të dytë, do të njoftohen udhëtarët për orarin e ri të nisjes ose rimbursimin e biletës nga kompania Adria Ferries.
Për çdo pyetje apo nevojë të udhëtarëve kemi vendosur në dispozicion numrin e gjelbër falas: 0800 73 74.
(BalkanWeb)