Pak minuta para nisjes së seancës së sotme plenare ku ndër të tjera do të shqyrtohet dhe projektligji për administrimin e nënzonave të trashëgimisë kulturore dhe peizazhit kulturor, pjesë e Parkut Kombëtar të Butrintit, ndërmjet Ministrisë së Kulturës dhe Fondacionit për Menaxhimin e Butrintit, para parlamentit është mbajtur një protestë nga arkeologë e ambientalistë.
Mes protestuesve ka qenë dhe ambientalisti Sazan Guri. Në fotot e siguruara nga LSA, ai shihet teksa kërkon të flasë me deputetin e PS-së Pandeli Majko, por ky i fundit me sa duket nxiton në seancë dhe i bën me dorë Gurit se po vazhdon rrugën.