Shkurtimi i numrit të ministrive në qeverinë e Kosovës, ka bërë që të reduktohen edhe shpenzimet..

Sipas një analize nga Instituti GAP, Qeveria Kurti me dy zëvendëskryeministra, 15 ministra e 35 zëvendësministra, do të kushtojë 13 milionë euro më pak se ajo e Haradinajt, me që përbëhej nga pesë zv.kryeministra, 19 ministra dhe mbi 80 zëvendësministra. Ndonëse koalicioni VV-LDK ishte parashikuar që të kishte vetëm 12 ministri, ato u zgjeruan deri në 15.

Duke u bazuar në shpenzimet e ish-qeverisë, me formatin e zvogëluar, Qeveria Kurti do të kursejë për një mandat 10 milionë euro në paga, 1 milion në ushqime, dhe rreth 1.5 milionë të tjera në telefona mobilë, karburante e telefona fiks.