TEPELENE– Kryeministri Edi Rama është ndalur paraditen e sotme në qytetin e Tepelenës për të prezantuar kandidatin e majtë për zgjedhjet lokale të 21 qershorit. Për bashkinë e Tepelenës, mazhoranca do të kandidojë Tërmet Pecin, përballë kandidatit të së djathtës Veip Çela.
Duke ftuar qytetarët të votojnë për Pecin, Rama nuk ka kursyer fyerjet për kandidatët kundërshtarë.
“Kandidatët e PD janë vendosur për t’i marrë peng qytetet. Ne jemi në pluralizëm, bëjmë zgjedhje demokratike, por kandidatët e tjerë që keni nuk i duhen as dreqit jo Tepelenës. Çdo kryebashkiak duhet të komunikojë me kryeministrin për problemet”, tha Rama.
(el.sp/BalkanWeb)