Rebelët Houthi sulmojnë anijen izraelite në Gjirin e Adenit. Lajmi u konfirmua nga zëdhënësi i rebelëve Houthi, Yahya Sare’e, përfaqësuesi i Iranit në Jemen.

Ai tha se Houthi-t sulmuan “anijen izraelite MSC Darwin në Gjirin e Adenit duke përdorur disa raketa detare dhe UAV” dhe shtoi se “operacioni ia arriti qëllimit”.

Sare’e tha gjithashtu se Houthi-t lëshuan “një numër raketash balistike dhe raketa lundrimi kundër objektivave izraelitë në Eilat”. Kujtojmë se grupi i rebelëve ka pasur në shënjestër të gjitha anijet që sjellin mallra për Izraelin, në shenjë kundërshtie për luftën në Gaza.
(BalkanWeb)