TIRANE
Boksieri i njohur shqiptar, Robin Krasniqi, ka nisur një lidhje të re me bukuroshen Marigona Krasniqi. Dyshja deri më tani kanë qëndruar larg kamerave, gjersa në mediat rozë është aluduar vazhdimisht për raportet mes tyre.

Megjithatë të martën, sportisti me prejardhje nga Juniku ka konfirmuar romancën e tij me bukuroshen Krasniqi.Këtë e ka bërë të ditur përmes një fotografie së bashku të publikuar në llogarinë e tij zyrtare në Facebook.

Në fotografi, Robin mund të shihet duke i dhuruar një puthje Marigonës, teksa ka vendosur një emoji në formë zemre në mbishkrimin e fotografisë. Kujtojmë që më parë, Robin Haxhi Krasniqi ka qenë në lidhje me modelen shqiptare Heidi Lushtaku, e cila jeton dhe punon në Gjermani.