Presidenti i Ukrainës është shprehur se Shqipëria do të jetë pjesëmarrëse më samitin e Paqes që pritet të mbahet më 15 – 16 qershor në Zvicër.
Përmes rrjetit social X, Zelensky konfirmon se ka pasur telefonatë me kryeministrin Edi Rama ku mori garancinë për pjesëmarrjen e samitit.
Postimi i Zelenskyt:
I telefonova kryeministrit Edi Rama, një miku të mirë të Ukrainës lidhur samitin e ardhshëm të Paqes dhe falenderova kryeministrin që konfirmoi pjesëmarrjen e Shqipërisë atje. E informova gjithashtu kryeministrin Rama edhe për situatën e fushëbetejës, konkretisht për mbrojtjen e rajonit të Kharkiv. Ne diskutuam gjithashtu vijimin e bashkëpunimit tonë në fushën e mbrojtjes.