Nga foltorja e Kuvendit, nënkryetarja e PD, Jorida Tabaku foli për situatën në të cilën ndodhet Shqipëria në këto 8 vitet e fundit.
Ajo tha se bizneset ndodhen në mëshirë të fatit, ndërsa akuzoi se paratë e vendosura në dispozicion për tërmetin dhe pandeminë, u përdorën për fushatën elektorale.
Sa i përket politikës së jashtme, Tabaku tha se Shqipëria ndodhet larg BE ndërsa shtoi se duhet punuar më shumë në këtë drejtim, që vendi të ketë njohje më të gjerë ndërkombëtare.
Kush kishte shpresuar që një zonjë në krye të kuvendit do të ndryshonte gjërat shihet se sa mirë do të shkojnë gjërat, e shikon se si premisa e kryeministrit për dorën e shtrirë sa herë që ka mundësi për t’i hequr fjalën intervistës materializohet nga goja e një zonje. Nuk është e lehtë për mua dhe kolegët e mi të jemi në këtë sallë. Lamë një parlament me 6 persona të inkriminuar e gjejmë sot me 12 të tillë. Lamë një parlament me manipulime të faktuara nga përgjimet e Prokurorisë së Krimeve të rënda për skemën e vjedhjes së votave në Dibër dhe Durrës, ndërkohë që sot e gjejmë me vjedhjen e votës të shtrirë në çdo qelizë. E vetmja shtysë pavarësisht se çfarë elite kriminale kemi pasur përballë, është ndershmëria e çdo shqiptari që na votoi, e çdo demokrati dhe demokrateje ë atyre që votuan ndryshimin. Sot s’kemi një program, 41 faqe të një propagande të bezdisshme, pa thelb dhe vizion. Shqipërinë reale shqiptarët e provuan, ku dy fatkeqësi goditën vendin.
Kur Shqiptarët u lanë të braktisur, në çadra për mëshirë të fatit. Fatkeqësia u vodh, u përdor për vota. 125 mln euro u dhanë pak ditë para zgjedhjeve duke shkelur çdo standard. Raporti i OSBE thoshte një të vërtetë të madhe, votat u blenë me paratë e buxhetit të shtetit. Jo më larg se disa muaj nga tragjedia e tërmetit shqiptarët panë një tjetër propagandë, shëndetësia falas. Pandemia tregoi të vërtetat që manekinët e Ramës ishin përpjekur të tregonin ndër vite si realitet. Vdekjet shtesë ishin dy fish. Të punësuarit morën një pagesë mjerane, 40 mijë lekë. Pikërisht kjo mungesë dëshire, vizioni, kjo mungesë ndihme e ka kthyer Shqipërinë 15 vite pas sipas nivelit të varfërisë, ku 50 % e popullsisë sot në vend konsiderohet e varfër. Janë shqiptarët që për 8 vite nuk panë rritje ekonomike. Me të ardhurat për frymë më të ulëta në të gjithë rajonin. Sot ia kanë nxirë faqen Shqipërisë, e kanë konsideruar si vendi më i korruptuar në Evropë. Sot Shqipëria etiketohet si vendi i pastrimit të parave. Në Shqipëri biznesi nuk mbijeton, prej ifnormalitetit, qeverisë. Sot 93 % e Shqiptarëve kanë nxjerrë nga xhepat e tyre 2.2 mld euro shtesë. Sot, cdo i punësuar paguan 23 % taksë progresive. Sot taksohet puna, i ndershmi.
Sot biznesi i vogël ndodhet në presion të jashtëzakonshëm. Sot 93 % të firmave shqiptarë deklarojnë se u shkojnë xhandarët e tatimeve në biznes. Sot 60 biznese në ditë janë mbyllur dhe ky është rekord. Ky është parlamenti sotëm, kjo është mazhoranca e sotme. Reforma e energjisë përfundoi 20 mijë shqiptarë në burgje. Çdo gjë që prekin, dështim, korrupsion, 23 % është rritur deficiti. Reforma në arsim braktis universitet shqiptare, Shkodra ka 40% më pak studentë. Dështimi më i madh është procesi i integrimit. Për mua s’bën asnjë çudi që nuk ka asnjë fjalë për të. Kush e lexon dokumentin duhet të lexojë që edhe negociatat janë hapur.
Shqipëria thotë që zhvillimi kalon përmes Open Balkan. Ne sot ndodhemi më larg BE në standarde, liri të medias. Ka 10 vite që lobohet për anëtarin e Sigurimit, politika e jashtme shqiptare, marrëdhëniet me jashtë i kanë mbyllur sytë, vendin dhe po e trajtojnë Shqipërinë si ato tre shtete që bënë marrëveshje duke mos lejuar shqiptarët e Ballkanit të mos integrohet i gjithi. Keni vjedhur dhe grabitur çdo gjë në këtë vend, shpresën jo”, u shpreh Tabaku.
(BalkanWeb)
