Sekretari i Përgjithshëm i OKB-së, António Guterres foli sot pas një takimi me presidentin ukrainas Volodymyr Zelensky.

Ai tha se situata në qytetin port të rrethuar jugor të Mariupolit është një “krizë brenda krizës”.
“Ne po bëjmë gjithçka që është e mundur për të evakuuar njerëzit nga uzina e çelikut Azovstal e Mariupolit”, thotë ai.

Diskutime intensive Zelensky – Guterres
Guterres deklaroi se ka pasur “diskutime intensive” me Presidentin Zelensky për të bërë realitet një evakuim nga Mariupoli.

Duke iu drejtuar mediave, Zelensky tha se ai beson se një “rezultat i suksesshëm” është i mundur “për sa i përket zhbllokimit të fabrikës së çelikut Azovstal” në qytetin e rrethuar pas bisedimeve me shefin e OKB-së.

“Pushtimi rus i Ukrainës shkel statutin e OKB-së”
Duke folur për shtypin në Kiev, Sekretari i Përgjithshëm i OKB-së, António Guterres ritheksoi se pushtimi i Rusisë është “një shkelje” e territorit të Ukrainës dhe e kartës së OKB-së.

Guterres tha se OKB-ja vazhdon të përpiqet për një armëpushim të plotë. Ai tha gjithashtu se ndihma ushqimore e OKB-së ka arritur tashmë më shumë se dy milionë ukrainas.

“Shkelja e të drejtave të njeriut nga Rusia ishte fokusi i bisedimeve”
Presidenti ukrainas Volodymyr Zelensky deklaron se “shkelja e të drejtave të njeriut” nga Rusia është një nga gjërat kryesore që ai ka diskutuar me Sekretarin e Përgjithshëm të OKB-së Antonio Guterres.

Ai tha gjithashtu se ata kanë folur për mënyrën se si të shpëtojnë njerëzit nga fabrika e çelikut Azovstal në qytetin port të rrethuar jugor të Mariupolit.
Dhe Zelensky ka bërë thirrje për më shumë ndihmë humanitare nga OKB-ja për Ukrainën.