Shtetet e Bashkuara kanë ekstraduar një ish-guvernator të shtetit kufitar meksikan në atdheun e tij, ku ai akuzohet për përvetësim të miliona dollarëve në fondet shtetërore.

César Duarte, i cili ishte guvernator i shtetit Chihuahua, u kthye në Meksikë për t’u përballur me akuzat për korrupsion që rrjedhin nga koha  kur ai ishte në detyrë.

Departamenti i Marrëdhënieve me Jashtë të Meksikës tha të enjten se Duarte do të përballet me akuza afërsisht të barabarta me përvetësim dhe komplot në Meksikë. Akuzat përfshijnë pothuajse 5 milionë dollarë për fondet shtetërore që Duarte dyshohet se ka marrë gjatë mandatit të tij 2010-2016.

Avokatët e Duartes kanë thënë se akuzat janë të motivuara politikisht.

Meksika kërkoi ekstradimin e Duartes në fund të vitit 2019.

Ish-guvernatori, një anëtar i Partisë Revolucionare Institucionale dikur dominuese, kërkoi azil në SHBA pak para se të arrestohej në Majami në korrik 2020.

Duarte u transferua në SHBA me familjen e tij pasi la postin.