Ushtria e SHBA ka ndërmarrë sulme të reja ajrore në Oqeanin Paqësor lindor, duke shënjestruar motoskafe të dyshuara për trafik droge. Sipas SOUTHCOM, pesë persona u vranë gjatë operacioneve të zhvilluara më 11 prill.
Në një deklaratë të publikuar në rrjetin social X, SOUTHCOM bëri të ditur se në sulmin e parë u vranë dy persona dhe një tjetër mbijetoi, ndërsa në sulmin e dytë u vranë tre persona të tjerë. Ushtria amerikane i cilësoi viktimat si “narko-terroristë”, duke publikuar edhe pamje të deklasifikuara nga operacioni.
Applying total systemic friction on the cartels.
On April 11, at the direction of #SOUTHCOM commander Gen. Francis L. Donovan, Joint Task Force Southern Spear conducted two lethal kinetic strikes on two vessels operated by Designated Terrorist Organizations. Intelligence… pic.twitter.com/sRXTFYCWXu
— U.S. Southern Command (@Southcom) April 12, 2026
Këto sulme janë pjesë e një fushate më të gjerë ushtarake që ka nisur që nga shtatori i vitit 2025 dhe që ka si objektiv goditjen e rrjeteve të dyshuara të trafikut të drogës në rajonin e Paqësorit dhe Karaibeve. Sipas të dhënave zyrtare, numri i viktimave nga këto operacione ka arritur të paktën në 168 persona.
