Presidenti rus Vladimir Putin ka firmosur një dekret, sipas të cilit Rusia do të ketë juridiksion mbi pronën amerikane në Rusi për të kompensuar dëmet nga sekuestrimi i aseteve ruse në Shtetet e Bashkuara.

Si pjesë e veprimit, pronat e luajtshme dhe të paluajtshme të Shteteve të Bashkuara, kompanive dhe qytetarëve amerikanë në territorin e Rusisë, si dhe letrat me vlerë në pronësi të tyre, aksione të kompanive ruse dhe të drejta të tjera pronësore të Shteteve të Bashkuara në vend do t’i nënshtrohen sekuestrimit.

Shtetet e Bashkuara dhe Bashkimi Evropian janë dakordësuar për sekuestrimin e aseteve të Rusisë në territoret e tyre me qëllim përdorimin e fondeve për të ndihmuar Ukrainën.