Paraqitja e re e Gisele Bündchen na kujtoi festat e fundvitit, por edhe Oscars. Modelja nga Brazili ishte pasditen e së hënës së 12 dhjetorit në vendlindje dhe mori pjesë në një event të markës së bizhuterive Vivara, ambasadore e së cilës është edhe ajo.
Nëna e dy fëmijëve dhe sipërmarrësja verboi me fustanin e saj të gjatë, të artë, i cili shfaqte një kravatë të veçantë në qafë dhe pjesë të prera në mes. Ajo e kompletoi look-un e saj me sandale me taka të larta në nuancën e fustanit dhe bizhuteri mbresëlënëse prej floriri. Ajo i mbante flokët në një topuz të lartë dhe e mbajti make-up-in e saj të lehtë me shkëlqime delikate.
Kjo ishte dalja e parë publike e Gisele që nga njoftimi për divorc nga bashkëshorti i saj prej 13 vitesh, Tom Brady. Çifti zyrtarisht paraqiti kërkesën për divorc më 28 tetor të vitit të kaluar, ndërsa lëshoi një deklaratë në rrjetet sociale duke kërkuar respekt për sigurinë dhe qetësinë shpirtërore të fëmijëve të tyre.
Të dy u bënë çift në vitin 2006 dhe u martuan në vitin 2009. Ata kanë dy fëmijë së bashku, Benjamin dhe Vivian. Ky është një nga çiftet më të pasur të Hollivudit, me asetet e tyre që arrijnë në total rreth 750 milionë dollarë.
