“Dopjeta” e Messit kundër Espanyol jo vetëm që vulosi derbin por i dha mundësinë “pleshtit” të vendos një rekord unik. Falë atij dygolëshi, Messi arrin në kuotën e 40 golave në sezon, por lajmi nuk është ky, pasi Messi është një makineri golash, kjo është hera e dhjetë radhazi që argjentinasi arrin këtë shifër duke u shndërruar në lojtarin e parë në historinë e futbollit botëror që shkon në këto nivele.
Si gjithnjë kur flasim për Messin dhe rekordet e tij nuk mund të mungojë as C.Ronaldo. Ylli portugez ndjek nga pranë Messin në këtë klasifikim bomberash pasi sulmuesi i Juventusit ka arritur 9 herë të kap minimalisht kuotën e 40 golave në sezon, por ndryshe nga Messi nuk i ka arritur radhazi. Shumë mendojë se Messi është në këto nivele falë lojtarëve që ka pasur pas, si Xavi e Iniesta, por ja që edhe tani kur nuk ka pranë dy “magjistarë” të topit, Messi vijon të ketë të njëjtën marrëdhënie me golin.
Brenda këtyre shifrave gjejmë të tjetër rekorde. Në 5 nga 10 edicionet radhazi, Messi ka arritur kuotën e 50 golave, ky është një rekord absolut në historinë 73 vjeçare të La Ligas. Pas Messit dhe Ronaldos duhet të kthehemi shumë pas në kohë për të gjetur një tjetër konkurrent, në vendin e tretë renditet Pele, më pas Gert Myler etj.
(BalkanWeb)
