Shkrimtarja franceze e romaneve policeske, Fred Vargas mori sot në Spanjë çmimin prestigjioz Princesha e Asturias për Letërsinë për veprën e saj që lidh intrigën, aksionin dhe reflektimin.


“Shkrimi i saj bashkon intrigën, aksionin dhe reflektimin me një ritëm që kujton muzikalitetin karakteristik të prozës së mirë në frëngjisht”, nënvizoi juria duke gjykuar se vepra universale e Vergasit kishte mundësuar rilindjen e romanit policor.

Çmimi i fundit ”Princesha e Asturias” për Letërsinë iu dha shkrimtarit polak, Adam Zagajewski.

Mario Vargas Llosa, Paul Auster apo Philip Roth, i cili vdiq të martën, e kanë marrë gjithashtu këtë çmim.

Dhënë çdo vit që prej vitit 1981 nga fondacioni me të njëjtin emër dhe shpërndarë gjatë një ceremonie në Oviedo, në rajonin e Astuarias, çmimi ”Princesha e Asturias”, konsideruar si Nobel në botën hispanofone, u jepet personave apo institucioneve për punët e tyre me përmasa ndërkombëtare në kategori të ndryshme si artet, shkencat dhe sporti.

Çdo laureat shpërblehet me një çmim prej 50 000 eurosh.

E lindur në vitin 1957, Fred Vargas u bë shkrimtare në vitet ’80 pas studimeve në histori dhe arkeologji. Ajo njohu suskes që prej librit të parë të saj, “Les Jeux de l’Amour et de la Mort”.

Etiketa: